Að breyta rétt [The Next Right Thing] lyrics

Ég hef séð það svart, en aldrei svo

Þetta' er tómt, þetta' er dofið, þetta' er kalt

Nú lífi mínu' er lokið, öll ljósin slökkt

Halló myrkur, ég gef mig þér á vald

Ég elti þig um allt, já, alla tíð

En þú fórst burt á stað sem finn ég ei

Sú sorg er svo ógnarþung, hún togar mig

En í huga mér rödd ein hvíslar, þei

Engin von, þú ert vilt

En þér samt er skylt

Næst að breyta rétt

Kemur dagur eftir þessa nótt?

Veit ei meir hvað er sannleikur nú

Ég týnt hef öllum áttum ég er svo ein

Og eina leiðarstjarnan mín varst þú

Hvernig hef ég mig þá

upp, ef þú ert mér ekki hjá

En breyttu bara rétt

Taktu skref, annað til

Allt sem get ég og vil er það

að breyta rétt

Lít ég of langt fram á veg

Þetta' er allt um hug mér þvert

Ég hugsa' um næsta andartak

Næsta skref, næsta val

Það er allt sem ég get gert

Svo ég fer þessa nótt

Reyni' að finna ljósið mjótt

Og svo ég breyti rétt

Með nýjan dag

Hvað kemur þá?

Það er ljóst að allt er breytt

Og verður aldrei samt að sjá

Og ég hef mitt val

Þig heyra skal

Og svo ég breyti rétt