'A bèlla che passa... [English translation]

Passa 'ncarròzza. E quacche vòta guarda,

cu chill'uócchie, accussì, granne e lucènte...

Ah, che bell'uócchie chiare 'e sentimènte!

Quant'é fina! Nu giglio! E che prufilo!

Pare na fata de ll'antiche tiémpe...

Nce stò murènno appriésso!... 'A guardo sèmpe.

Pòzzo tenè speranza 'e quacche ccòsa?

No. Nun so' pazzo. No. Guardo a na stélla.

Che l'aggi'a di'? Suspiro: Quant'è bèlla!

Va! Tu stai tròppo 'nciélo, io tròppo 'ntèrra!

Sulo 'e guardarte m'aggio 'a cuntentà!

Ma si sapisse 'o còre cómme fa'!