Canzone a Chiarastella [English translation]

Ờgne canzòne tène 'o riturnèllo,

ca è cómme fósse 'o piérno 'e ógne canzóne

e, ca pe tanto è chiù azzeccuso e bèllo,

pe quanto chiù se 'ntrèccia 'e 'spressióne.

Uno a mmemòria me n'èra venuto,

scritto e furmato 'a nu maésto 'e scòla.

"E pòrtale" dicéva "il mio saluto.

Vòla palómma mia, palómma vòla".

Ma giacché sti pparòle

nun ce sta' chiù chi 'e ttròva

o nun s'ùsano cchiù.

Giacché st'ammóre nuósto

è na canzóna nòva,

'o riturnèllo suójo,

Chiarastélla,

si' tu.

‘A 'gnóra, ch'ògne séra, puntualmènte,

d' 'e bbèlli tiémpe suóje ll'uso ce avanta,

se fa’ quacch'aria antica vení a mènte

e, pe ce 'a fá 'mpará, piglia e ce 'a canta.

Canta, scappata a ssuónno quase quase:

"Bella leggiadra sei più di una rosa".

'Sta vócca è 'a calamita 'e tutt' 'e vase"

e "Siénte t'aggi'a dìcere na còsa"..

Ma giacché sti pparòle

nun ce sta chiù chi 'e ttròva

o nun s'ùsano cchiù.

Giacché st'ammóre nuósto

è na canzóna nòva,

'o riturnèllo suójo,

Chiarastélla,

si' tu.