Totò - Nemica

T’aggio vuluto bbène overamènte,

tutt’aggio fatto pe t’accuntentà’,

st’ammóre mio nun te cercava niénte

e tu m’ ê dato l’infelicita’.

Tutt‘e ffatiche mèje t’aggiu spennuto

chéllo ca tu vulive là ppe là

vestite, oggétte, me sò appezzentuto…

e nun ‘o ddico pe t’ o rrinfaccia’.

Nemica,

me dicive ammóre mio,

io t’ ‘o giuro ‘nnanze a Ddio

vòglio bbène sulo a tte.

Nemica,

e credévo a ‘sta buscia

ch’èra tutt’ ‘a vita mia

nce credévo e sai pecche’.

Nemica,

cu sta faccia accussì bèlla

cu sti mòdi ‘e santarèlla

nun putévo mai sapè’,

nemica,

ca purtavo na nemica

dint’ o còre cómm’amica

na nemica cómm’a te.

E mo tutt’ è fernuto, si cuntènta,

che male ancòra me vulisse fà,

qual’ata cattivèria mo te tenta

nun t’è bastato che m’ ‘e fatto gia’.

Te si scuperta ca si malamènte

ca si na ‘nfama nata pe ‘nganna’.

Però vaco dicènno a tutt’ ‘a gente

c’ ‘a vocca toja nun m’ a pòzzo scurda’.

Nemica,

me dicive ammóre mio,

io t’ ‘o giuro ‘nnanze a Ddio

vòglio bbène sulo a tte.

Nemica,

e credévo a ‘sta buscia

ch’èra tutt’ ‘a vita mia

nce credévo e sai pecche’.

Nemica,

cu sta faccia accussì bèlla

cu sti mòdi ‘e santarèlla

nun putévo mai sapè’,

nemica,

ca purtavo na nemica

dint’ o còre cómm’amica

na nemica cómm’a te.