Айлон [Aylan] lyrics

Дар ман ҳама хандаҳои дунё гирён,

Шодиву умедҳои зебо гирён.

Бар қисмати ман обу-ҳаво вайрон аст

Дарё гирён, домани саҳро гирён...

[2x]

Номам ба ҳама забони олам - Айлон

Рӯҳам ба ҳама макони олам - нолон

[2x]

Дар синаву дар нигоҳи ман ханҷари кист?

Хоки сари бепаноҳи ман кишвари кист?

[2x]

Бозичаи кӯдакӣи ман бишикаста, вой

Хуни дили бегуноҳи бар сари кист,

бар сари кист?

Дунёдорон! Фишон зи фарҳанги шумо!

Аз моли шумо! Сулҳи шумо! Ҷанги шумо!

[2x]

Биллоҳ ба Худо рӯзи ҷазо хоҳам гуфт,

Аз баҳси шумо, фиребу найранги шумо!

Номам ба ҳама забони олам - Айлон

Рӯҳам ба ҳама макони олам - нолон

[2x]