كتاب حياتي يا عين [Kitab Hayati Ya Ain] lyrics

كتاب حياتى ياعين

ماشفت زيه كتاب

الفرح فيه سطرين

والباقى كله عذاب

عذاب عذاب عذاب

أوراقه هم وقسى

والحبر من دمعى

الحبر من دمعى

من دمعى .. ياعين

كتاب حزين كله مآسى

تأليف زمان غدار قاسى

الفرح سطر غلط مكتوب

لما الزمان كان يوم ناسى

مكتوب فى أول صفحاته

واحد غريب وآدى حياته

هايعيش حزين ويسيبها حزين

امضاء زمن وتحياته

كتب الزمان جواه همي

من غير ما يرحم ويسمي

كتب عليا البكا والنوح

وهان عليه دمعي ودمي

الصحة دابت صفحتها

من الدموع لما قرتها

إستكترتها الدنيا زمان

ومن زمان مني خدتها

كشف الحكيم أصبح عادة

ومن عيادة لعيادة

وكل واحد أرحله يقول

قطعت قلبي بزيادة

بدل الحكيم رحت ل مية

وخذت كل الأدويه

والكل قالوا عن جرحي

ماخذناهوش في الكليه

دلوقتي عندي ماتفرقشي

أطيب وأروق ولا ماروقشي

العمر عدى وحملي ثقيل

لو كان جبل كان ما يطقشي

ييجي الطبيب عندي أحكيله

يقول سلامتك أدعيله

ولمل أقوله إزاي الحال

يخبي دمعه بمنديله

يادنيا هاتي كمان هاتي

ما يهمكيش هم حياتي

يادنيا هاتي كتير هاتي

ما يهمكيش هم حياتي

ما أنا أصلي واخد ع الأحزان

والدمع فعيوني ليلاتي

عذاب وهم وتوته توته

وآدي نهاية الحدوته

بدموع عنيا وأحزاني

الدنيا راضيه ومبسوطة