أمك و أبوك [Omak W Abok] [English translation]

محدش شاف صحابي اللي في فرحي اتصوروا

ما بانوش حتى في واتسابي حبة مياه اتبخروا

في الشدة تبص جنبك مش هتلاقي ناس

إنما هتشخلل جيبك هتملى ميكروباص

بس سيبك من اللي في المصلحة يعرفوك

ما تحبش حد قد

أمك وأبوك أمك وأبوك

ما تحبش حد قد

أمك وأبوك

اعمل قلبك بسوستة ونضَّفه عالسريع

ياما ناس بتبان أليسطه وأصلهم فقاقيع

ما تسيبش أي حاجة تشكلك مشكلة

هيأ نفسك كإنك في المدينة الفاضلة

سابك ليه اللي سابك لو كان في النية يود

ما تحبش حد قد

أمك وأبوك أمك وأبوك

ما تحبش حد قد

أمك وأبوك

فضي دماغك فضي ما تركزش إلا فيك

لو صنفرت المصدي هيتلمع عليك

الناس البايخة في صورك منتجها وقصها

أول ما تلاقي راحتك اتلحلح روحلها

خدلك حقنة نسيان وانسى كل اللى أذوك

ما تحبش حد قد

أمك وأبوك أمك وأبوك

ما تحبش حد قد

أمك وأبوك

دوخت وكان نفسي أدوق حبة حنية

طلع الموجود في السوق منتهي الصلاحية

وعملت الخير ورميته في البحر غطس ما قبش

كله عمال ينتِّش كله عمال يهبِّش

بصراحة لب الموضوع وخلاصة القول بجد

ما تحبش حد قد

أمك وأبوك أمك وأبوك

ما تحبش حد قد

أمك وأبوك