Dicitencello vuje [Turkish translation]

Dicitencello a 'sta cumpagna vosta

ch'aggio perduto 'o suonno e 'a fantasia,

ch' 'a penzo sempe,

ch'è tutt' 'a vita mia.

I' nce 'o vvulesse dicere,

ma nun ce 'o ssaccio dí.

Ritornèl:

'A voglio bene,

'a voglio bene assaje.

Dicitencello vuje

ca nun mm' 'a scordo maje.

E' na passione,

cchiù forte 'e na catena,

ca mme turmenta ll'anema

e nun mme fa campá.

Dicitencello ch'è na rosa 'e Maggio,

ch'è assaje cchiù bella 'e na jurnata 'e sole.

Da 'a vocca soja,

cchiù fresca d' 'e vviole,

i' giá vulesse sèntere

ch'è 'nnammurata 'e me.

ritornèl

Na lácrema lucente v'è caduta,

dicíteme nu poco, a che penzate?

Cu st'uocchie doce,

vuje sola mme guardate.

Levámmoce 'sta maschera,

dicimmo 'a veritá.

Te voglio bene,

te voglio bene assaje.

Si' ttu chesta catena

ca nun se spezza maje.

Suonno gentile,

suspiro mio carnale,

te cerco comm'a ll'aria,

te voglio pe' campá.