أحلى حاجة فيا [Ahla Haga fiya] [English translation]

مش قادرة أصدق اللي شايفاه و بسمعه!

معقول خلاص قلبك و قلبي تجمعوا!

احلف كده إني هـ أعيش معاك و تعيش معايا

و تبقى جمبي و عيني بيك يتمتعوا

أنا من النهارده هـ أنام و أقوم على ضحكتك

و أخذك في حضني و أذوق معاك حنيتك

أنا مش ح أعيش عالأرض تاني خلاص كفاية

هـ نعيش خلاص زي الملايكة في جنتك

أنت أحلى حاجة فيا

أنت كل حاجة ليا

لما تبقى في إيديا...بأملك الدنيا فيك

حبك انت خلاني...

أنا بقيت حد تاني...

مافيش حاجة ناقصاني...و أنا قدام عينيك

إلمسني أصل إيديك عليا حنينة

من يوم ما شفت عينيك و أنا ما بقتش أنا

عارف أنا بأحلم بإيه يا حبيبي تاني...

يا رب أعيش جمبك مليون سنة

كل الكلام الحلو ما يكفيش عينيك

دول يظلموك لو يوصفوك و يقولوا فيك

ما بقتش عايزة منك غير حاجة وحدة...

تدعي معايا ربي أعيش أيامي بيك