Aç Balaca Qanadlarını lyrics

İçimdəki səsi dinləmədən

Gedəkmi buralardan dayanmadan, gözləmədən?!

Arxaya çönmədən

Verdiklərini istəmədən qapını bağlamaq

Və gizlətmək ruhunu onlardan

Onlara dönmədən...

Gülümsəmək hirslənmədən

Heç kimə güvənmədən

Qucaqlamaq həyatı, ucalmaq heykəltək ölmədən

Gözyaşlarını gizləmədən, döyüşmək özünə qarşı

İrəli, savaşa gir!

Qorxma, ağrılara dözər bədən

Mələklərini sevmədən, şeytanını pisləmədən

İzləmədən sev sən onu, qarşılığını gözləmədən

Hisslər hədər, nə qədər bizli çəpər, hündür hasar,

Dərini kəsər, qanını içər, amma yenə bacarar, qaçar

Heçkəsi dinləmədən

Gedəkmi buralardan dayanmadan, gözləmədən?!

Arxaya çönmədən

Verdiklərini istəmədən qapını bağlamaq

Və gizlətmək ruhunu onlardan

Onlara dönmədən...

Aç balaca qanadlarını (x5)

Dua etmək inanmadan

Sevmək bağlanmadan

Ata bilmək hərkəsi vaxtında, hətta olsa doğman

Dilənmədən, varlanmadan, xoşbəxtlik axtarmadan

Səni dinləyərlər əsrlərlə bir söz anlamadan

Arada pərdə saxlamadan açaraq bütün səhvləri

Bağırmaq həqiqəti buraxmadan heç bir hərflərin

Balaca qanadlarını aç, uç və unut hərkəsi

Balaca qanadlarını aç, uç və unut hərkəsi

Sabahına saxlamadan xərcləmək irəli baxmadan

Xərcləmək sevgidən və ümiddən içini tapmadan

Düşünmədən və qorxmadan

Körpünün davamı olmadan

Hər addımında havada qalmaq aşağı baxmadan

Güvənmədən və tanımadan Tanrıdan başqa dost

Adımı yaz ya qızıl hərflərlə, ya da ki, tamam poz

Qorxulu hisslər və fikirlər bataqlığında boğul

Ya da ki üz, qap və çabala, dart və yaxala, bacar, döz

Bu elə dərin quyu ki, ancaq çıxa bilərsən özün

Həyatın elə bir anı yox məsləhət, dost ya çözüm

Həyatın elə bir yolu ki, yox işarə, yoxdur başa salan

Çünki sənsən birinci, çünki sənsən ilk bu yolu salan

Aç balaca qanadlarını (x10)