الحرّية [El Horiyyah] [English translation]

أشياء كثير بتنكره

بس احنا منكره بعض

منتطلع من فوق لتحت و مننتقد عن بعد

أقنعنا حالنا إنا أسوأ أنواع البشر

كل واحد فينا مفكر غيره بس زيادة عدد

هذا كله بصدد إنا ماكلين اسفين

كل ما أتعرف على أجنبي

بقلي العرب مش متفقين

بحط عيني بالطين

بعدين على حالي بنكمش

بعدين بتلاقيني مندمج

بقديش أان منحرج

نفسي صار أتخلص من هذا الشعور السيء

هاتوا ثوب فضفاض

و خذوا الجينز الضيق

في ناس بتعاني من إشي اسمه دوار البحر

أحنا من كثر البعد عنه نشعر بالتقيؤ

بالزبط زي شادي علي حرام

بالزبط زي عامر أحط راسي و أنام

و مش ضروري تكون فاهم عن مين قاعد بحكي

المهم انه مش لحالي شايف الوضع مش تمام

أعطي العربي فيزا و بتلاقيه هرب

و قبل ما يسافر بينصجوه يتجنب العرب

السائح ببالغوا بالترحيب فيه بالمطعم

بياكل و بيشبع و انت لسا بتستنى بالطلب

هذا يثير الغضب و يسبب الإحباط

والله الشب وردة زي مدينة الأنباط

لازم نرجع نتوحد

رغم اختلاف المنابت و بالمناسبة هذا طبيعي

لأنها أرض رباط

الحرية الها لون يناسبني

و ايناسب ناسي

و صار لازم نلبس من هالثوب

الحرية إلها لون إيناسبني و يناسب ناسي

و صار لازم ننزع من هالثوب

صار لازم نتسلق.

نقله إيروح فينا لبعيد إيوصلنا للشط

و الشط لسا مستني ..معانا إيغنّي)

خايف تخلص الأغنية قبل و أوصل نقطتي

و أكتشف انك طول الوقت سرحان بلون حطتي

بشلحها و برميها و بدعس عليها

و إذا الأرض اهتزت بخليك تلحق خطوتي

على الحساب الوطن العربي كله ديرتنا

حتى لو جغرافيا منختلف بطبيعتنا

و هذا مش فكر قومي من النوع القديم

الي بيقلب فاشي مع مر السنين

بعدين بصير إقليمي بكون وقع بالفخ

كنت رح أسميها التأشيرة زي هشام الجخ

مش الحلم العربي بلحنها التجاري

ياما حاولت أعزفها بس ما بيرضاش جيتاري

مش وحيد بأفكاري عشان تسميني ساذج

من المغرب للخليج و في مني نماذج

في مني بالخارج بس للأسف مبعدين

حكموا القرأن على الظلم سموهم الخوارج

و مش مستني منك كمان فرصة عشان أشرحلك

طالما الشاشة الصغيرة كل يوم بتشلحلك

الحرية بتلبقلك بس افهم ايش هية

غالبا رح نموت قبل ما تنحل القضية

بس مش معناتو أحلامك بالزبالة ترميها

اعتبرها زي كل الاشياء اللي بتتغزل فيها

أو خلص انتحر اذا الحياة ما فيش منها أمل

بس خد معاك مستعمر واقف على أراضيها!