Teresa De Sio - I' te vurría vasá

Ah! Che bell'aria fresca

Ch'addore 'e malvarosa

E tu durmenno staje

'Ncopp'a 'sti ffronne 'e rosa!

'O sole, a poco a poco

Pe' stu ciardino sponta

E 'o viento passa e vasa

Stu ricciulillo 'nfronte!

I' te vurría vasá

I' te vurría vasá

Ma 'o core nun mm' 'o ddice

'E te scetá

'E te scetá!

I' mme vurría addurmí

I' mme vurría addurmí

Vicino ô sciato tujo

N'ora pur'i'

N'ora pur'i'!

Sento 'stu core tuojo

Ca sbatte comm'a ll'onne

Durmenno, angelo mio

Chisà tu a chi te suonne

'A gelusia turmenta

'Stu core mio malato

Te suonne a me? Dimmello!

O pure suonne a 'n'ato?

I' te vurría vasá

I' te vurría vasá

Ma 'o core nun mm' 'o ddice

'E te scetá

'E te scetá!

I' mme vurría addurmí

I' mme vurría addurmí

Vicino ô sciato tujo

N'ora pur'i'

N'ora pur'i'!

I' te vurría vasá

Sì, i' te vurría vasá

Ma 'o core nun mm' 'o ddice

'E te scetá

'E te scetá!

I' mme vurría addurmí

I' mme vurría addurmí

Vicino ô sciato tujo

N'ora pur'i'

N'ora pur'i'!