Cammina Cammina

‘Ncòpp’a ll’èvera c’addóra se ne scénneno ‘e culure

e cammina ‘a vicchiarèlla sótt 'a luna:

quanta vòte s’è fermata pe parlà cu quaccheduno,

nun ce sta’ mai nisciuno ca se férma pe sentì.

E cammina cammina vicino ô puórto,

e chiagnènno aspètta ‘a mòrte

si venèsse mo, fósse chiù cuntènta,

tanto i’ parlo e nisciuno me sènte.

Guardo lu mare, pènzo a Maria

che mo nun ce sta chiù,

so' solo tre anne, che ci penzo tutt' a séra,

pass’o tiémpo e nun me pare ovèro.

E cammina cammina vicino ô puórto

E chiagnènno aspètta ‘a mòrte;

sótt'a luna nun passa nisciuno

sótto a luna nisciuno vo’ sentì.