Maggio si' tu [Italian translation]

Maggio, si' tu

ca st'aria dòce vaje prufumanno.

Quanta canzòne faje cantá a ddóje vóce,

quanta suspire io manno.

Me faje murmuliá

tutt'e ccanzóne amate

pecché tu viéne e dice:

"'E 'nnammurate

hann'a cantá".

Hann'a cantá,

ca pure Ammóre

passa e nun mòre.

E chi ha vuluto bène,

se sènte, dint'e vvéne,

cchiù ardènte 'a giuventù.

Maggio, si' tu.

Maggio, si' tu

ca mme truvaste cu 'o còre 'e gèlo.

Ma quanta ròse attuórno me purtaste,

e quanta stélle 'nciélo.

Turnaje a suspirá

pe chi fuje tanta 'ngrata.

"Ah" lle dicètte "t'aggio

sèmpe amata

e pure mo".

E pure mo,

tutt'è turnato

cómm'è passato.

Sènto ch'a vòglio bène.

Stu ffuóco dint'e vvéne,

è fuóco 'e giuventù.

Maggio, si' tu.

Maggio, e pe te

me stó' facènno cchiù mateniéro.

Ròse e viòle a ll'alba stó' cugliènno

cómm'a nu ciardeniére.

Tu me faje suspirá

'mmiéz'ê ciardine 'nfióre.

"Si tuttecòsa tòrna,

pure Ammóre ha da turná".

Ha da turná.

Ll'aggiu chiammato,

ll'aggio aspettato.

E mo ch'a vòglio bène,

me sènto, dint'e vvéne,

cchiù ardènte 'a giuventù.

Maggio, si' tu.