أغلى إنسان مشى [Aghla enssene msha] [Transliteration]

أغلى إنسان مشى

أغلى انسان مشى كيف مات صبّت المطر

كيف حبّت تفرح بيك ملك الموت حضر

إنتي مشيت أما خيالك ما يفارقنيش

بيك كنت نعيش نكذب إذا بعدك ما نبكيش

مال الدنيا ما يفرحنيش و إنتي مش بحذايا

إنتي المرايا اللي حبيّت يغزر فيها ضنايا

أنا المرض و إنتي دوايا اليوم بلاش دواء

كنت نتنفّس ريحتك ما نتنفسشي هواء

أنا تكويت على الناس اللّي حبيت

نكتب في غناياتي حزين مسكّر باب البيت

كنت نوريك اللّي كتبتو يعجبك كلامي

اليوم ما عندي شكون نورّي الدمعة اللي في أقلامي

اليوم وحيد من غيرك اليوم وحيد في غيابك

تمنيّت أنا بحذاك و إنتي مازلت في شبابك

اليوم وحيد من بعدك اليوم وحيد يا أمّي

الدمعة اللّي في عيني ما تغطيهاش ضحكة في فمّي

ما تسمنيش بلطي سمّيني طه حسين

أحسبني تعميت خاطر إنتي اللي كنت العينين

اليوم نكتب في كلامي نكتب فيه في الظلمة

موتك جات في غفلة باش نحسبها حلمة

أما ولدك يحّس بالكلمة خاطر قلبو حزين

كلامو يحّس بيه الزوّالي اليتيم و المسكين

كلامو خارج مل ڤلب يامّي ڤلبي تعبى

يرحمك يا ميّمة يرحم اللي ربّى

نكتب في غناياتي و الدمعة في عيني

نفرح بيك يا ميّمة كيف في الحلمة تجيني

أما كي نفيق نتصدّع

نتذكر أخيب أيّام في عمري يامي في قبرك نودّع

اليوم كتبت ألبوم سمّيتو حكايات

قلب حزين يامّي يبكي على الناس اللي عانات

قلب حزين يبكي عليك يامّي كي مشيت

كيف ما تعرف ولدك يكتب وحدو في البيت

نتذكر كي تجيني كي تسمع البيانو

نتذكر الضحكة وينهم الاياّم اللي كانو

ترجع كان جاء بيدي بيد ربّي مش بيدي

تسمع الموزيكا و تقعد في فرشي و في بيتي

اليوم ستيلو في يدي يكتب في حكاية حزينة

علمتني الحنيّة نصنع في ألحان حنينة

نكتب في حكايات الكاس ورى الكاس

اليد اللي تكتب توحّشت اليد اللي تتباس

ندعيلك بالرحمة كيف ما دعيتلي بالهداية

نكتب في حكايات حكاية ورى حكاية

حكاو فيّا كلام كثرت فيا الهداري

حد ما يعرف بلطي و حد ماهو داري

نتذكر كي تقلّي اخدم و اش عليك

بقدرة ربّي لباس وليدي راضية عليك

رضايتك راس المال الباقي كلّو يهون

غيابك علّيا خلاّني نكتب مزموم

ليوم دمعة و قلم ليوم حبار دمّي

ليوم ألبوم حكايات نهديهولك أمّي