إنتي مشيتي و بكيت الوردة
باب الهنـا ضيعتي مفتاحه
إلا حنيني ما بقى عنـدي
كمشة أمل ع غيبتك راحوا
عصفورعندي بالقفص بردان
معود عليكِ و كترت جراحه
مرقو صابيعك بوسوا القضبان
طق السجين و كتف جنــــاحه
للبعد قلبي ما حسب
و بكيت قدامك عتب
ما شفت بعيونك سبب
عن جد ييبعدني
و الدمع بعيوني وعي
حسيت راح قول ارجعي
غصيت ما طلعت معي
يـــــا رب ساعدني
وقفت و ما بدي اوصف الوقفةِ
وقفــة بــرئ بحـكم اعدامه
من كل عمره بــعد في نتـفةِ
صارت صابيــعه تعد ايــــامه
صوتــي غدرني قبل ما تقفي
قاللك تعي و الشوق في كلامــه
قلبي ال بعمره ما عرف ضعفي
ورقــة خريــف سقــطت قدامـه
ممنون صوتي اللي انجرح
ردك الي و قلبــي انفتح
مديت ايدي للصــلـــــح
و بقيت ماددهـــــا
حدي وقفتي ملبــكي
حسيت ع شفــافك حكي
عم يختنق تحت البكي
يـــا رب ســاعدهـا