Lamentu di Ghjesu

O tù chì dormi

in sta petra sculpita

d'avè suffertu

da colpi è ferita

dopu d'atroci martiri

persu hai ancu la vita,

oghje riposi tranquillu

a tò suffrenza hè finita

Ma eo sò

ind'una fiamma ardente

brusgiu è mughju

tuttu ognunu mi sente,

sò i lamenti di i cumpagni

è d'una mamma li pienti

chjamu ancu à Diu supremu

ci ritorni stu nucente

È fù per quella

cun spiritu feroce

da tanti colpi è viulenza atroce

chjodi à li mani è li piedi,

quessi t'hannu messu in croce,

o Diu da tante sufferenze

fà ch'eo senti a tò voce

Oghje per sempre

tutta questa hè finita,

avà sì mortu

hè persa a partita,

oramai in Ghjerusaleme

a ghjente hè sparnuccita

vergogna ùn ci ne manca,

morte sò a fede è a vita