نقطة بيضا 2 [No2ta Beda] lyrics

في صوت جوايا بيناديني من بعيد

سامعه وعارفه كويس بس أنا عامل عبيط

نقطة بيضا فوسط سواد

إنسان بينادي جماد

هو البراءة والسذاجة وأنا الدنيا الكدابة

عايش معاه فسجن وأنا السجان

معايا مفاتيح كل البيبان لكن جبان

أنا الجاني والمجني عليه

أنا كل الأسباب ولسا بسأل ليه

هو أنا وأنا هو هو حرب دايرة جوا

جوا مني وبتقتلني طول الوقت

هو ضميري بيأنبني

فكل مكان بيطاردني

مهما جريت أو هربت

جوايا اتنين وأنا التالت والتالت دايماً ساكت

سلم بطل يتكلم ولا بيحس ولا بيتألم

جوايا عقل وقلب دايماً عايشين في حرب

قلبي حاسس بالذنب وعقلي واخد جنب

والدنيا ماشية عكسي لفيت ومشيت معاها

وبعت أنا نفسي نفسي خليتني أنساها

ولبست وشوش تانيين ونسيت فالأصل أنا مين

فقلت أرجع من تاني

النفس اللي بتعاني

هو أنا وأنا هو

هو حرب دايرة جوا

جوا مني وبتقتلني طول الوقت

هو ضميري بيأنبني فكل مكان بيطاردني

مهما جريت أو هربت

عجبي عليك يا زمن فينا مش سائل

وانا اللي أستاهل إني صدقتك

ومشيت وراك لحد ما سبقتك

بصيت ورايا لقيتني وحيد

الدنيا بحر غدار فيه أنا عايم

لا فيها شئ فاضل ولا دايم

كالعادة العبد بيتمادى 2x