الجيل الصاعد [El Geal El Saed] [Transliteration]

عاش الجيل الصاعد ... عاش

جيل من شعب مجاهد ... عاش

عاش يبني ويجاهد عاش بكفاحه الخالد

راجل واحد مبدأ واحد

عاش جيل ثورتنا عاش

وردة:

عاش الجندي يوم ما حطم شوكة الإستعمار

كان عنوان النصر الثوري في كل بلد أحرار

وسمعناه بيقولها قوية

باسم مبادي أمة أبيّة

انا خط هجوم ودفاع انا رمز سلام وصراع

أفدي بالروح وأعيش في النصر بطل وشجاع

حيوا معايا قولوا معايا

عاش الجندي العربي عاش

نجاة الصغيرة:

عاش الزارع يوم الشمس ما حست بيها عينيّ

فرشت نورها وكبر الزرع وهو مداري عليّ

وسمعناه بيقولها قوية

أرض ولادي ورجعت ليا

حرمونا سنين وسنين وافتكروا الناس نايمين

وطلعنا عليهم يوم خلصنا حقوق ملايين

حيوا معايا قولوا معايا

عاش فلاح الثورة عاش

عبد الحليم حافظ:

عاش الفن حضارة لأمة يبنيها الفنان

يروي حياتها في غنوة في كلمة

في صورة بروح وإيمان

وسمعناه بيقولها قوية

مجد بلادي عهد عليا

قلبي وروحي ملك لفني والإثنين لبلادي هدية

حيوا معايا قولوا معايا

عاش الفن رسالة عاش

فايزة أحمد:

عاش العامل يوم ما فكر يبني لبلده دار

فيها مداخن طالع منها لهب النور والنار

وسمعناه بيقولها قوية

ده إنتاجي وصنع إبديا

حققنا بعون الله للشعب دعاه ومناه

والخير زاد منا وفاض والفايض صدرناه

قولوا معايا حيوا معايا

عاش عاش العامل عاش

شادية:

عاش الطالب يوم ما طلب العلم كتاب وسلاح

عرف العلم وسيلة تحقق غاية كل نجاح

وسمعناه بيقولها قوية

في الإعدادي وفي الكلية

العلم سلاح جبار بيحول ليلنا نهار

يسعى للنور بالنور ويواجه النار بالنار

حيوا معايا قولوا معايا

عاش الجيل الصاعد عاش

عبد الوهاب:

عاش الشعب العربي كله شعب سلام وأمان

عاش الوعي العربي كله ثورة في كل مكان

ثورة مارد للحرية

هب ونادي بالقومية

ردينا عليك يا جمال وإيدينا ف إيديك يا جمال

وطلعنا معاك يا جمال نبني وياك يا جمال

حيوا معايا قولوا معايا

عاش عبد الناصر عاش