25 [Spanish translation]

Si in cust’ala de mundu est Nadale ‘onzi die

E in àteras non benit mai,

Si amistade est peraula prus fritta 'e su nie

Ei ‘elat su sole intr’e a tie…

Boghes chena musica e sonos,

Tronos chi mi ferin in s’anima

E fuen sa notte asie:

Chie est chi naschit, pro a chie?

In custa notte chi ruet,

In custos donos chi fuen,

No assimizan a tie

No assimizan...

Si sas biddas sunt prenas de zente e majia,

De promissas chi non finin mai

In cust’ora chi paret dae chelu fuia

E chi s’homine malu non siat…

Lughes chi non binchen s’iscuru

In domos chi costoin in s’anima

Su numen tou, Deus meu!

Pius pagu ‘e nudda so deo.

In custu tempus de arreu

In d’una festa ti cuan:

Faghe naschere a nou

Nadale intro a nois

Bona Pasca e Nadale ‘onzi die

In mesu a sa zente che a nois,

In d’unu pitzinnu chi riet,

Chi narat: Nadale est totue.

E chi una die de paghe de abberu siat

Si in cust’ala de mundu est Nadale ‘onzi die

E in àteras non benit mai…