Napule è chino 'e ffemmene lyrics

Si bella e cara,

Ma si pazzoteca;

E viene a spennere,

Dich'i', justo addu me?

'Nu mese 'ammore,

Tre mise 'appicceche,

Io, nevrastenico,

Sò peggio 'e te.

Oje nè,

Si te vuò sciogliere

'A strada è libera,

Può cammenà.

Napule è chino 'e ffemmene

Cchiù calme 'e te,

Cchiù ddoce 'e te,

Cchiù scicche 'e te.

Si tu mme lasse,

T'aviss' 'a credere

Ca i', p' 'a collera,

Nun mangio e bevo cchiù?

Comme te sbaglie!

Pozzo refonnere

'Nu grammo 'e llacreme

Po' 'o vvide tu.

Oje nè,

Si te vuò sciogliere,

'A strada è libera,

Può cammenà.

Napule è chino 'e ffemmene

Tutte pe' mme,

Ca vonno a mme,

Pazze pe' mme.

Mme basta sulo,

P'avè 'na femmena

'Na vranca 'e spingule,

'Na cena e 'nu cafè.

E ppo'stò a posto

Cu 'a luna pallida,

P' 'o ssulitario,

Chi è meglio 'e me?

Oje nè,

Mme voglio sciogliere.

I' voglio ll'aria

Pe' respirà.

Napule è chino 'e ffemmene

Cchiù ffresche 'e te,

Cchiù bbelle 'e te,

Cchiu bbone 'e te.