Doru, 'nji'u doru lyrics

Dado, ocljiu iara'nji bati,

Naca'nji yini vârnâ carti

Oh, oh, di la vrutlu'a meu.

Di doi anji shi giumitati

Ca 'shti iu'alagâ sh'câtu diparti

Oh, oh, lele, sh'ca'sh'tsi lâ easti greu.

Doru, 'nji'u doru, di'unu msheatu ficioru, lea, dado

Doru, 'nji'u doru, di birbjilu'a pâduriloru.

Di'anda sh'lo 'nâ cali'amarâ

Io nu shtiu tsi'i sârbâtoari,

Oh, oh, xeanâ'nji shedu tu pragu.

Nu'amu ni prândzu, nu'amu ni tsinâ

A lui gaile'nji mi'astuhinâ

Oh, oh, cumu va s'potu s'aravdu.

Mintea'nji easti arâitâ

Iu s'u'aflu a lui mutritrâ

Oh, oh, nu putu s'lu'agârshescu.

A lui vreari'nji mi pitrundi

Durearea'n suflitu s'ascundi

Oh, oh, moi, sh'ghiderli'a meali crescu.

Cumu s'mi'alasâ minduierljii

Cându mi'adunu 'n casâ serli

Oh, oh, sh'singurâ'nji mi'antrebu.

Cari dzuâ nji'i ursitâ

S'hârsescu a lui vinitâ

Oh, oh, moi, cu elu iara s'mi vedu.