قطر الصعيد [Qatr as-saeed] lyrics

زحلفة في قفاها سلاّية

رقبتها تعبان وحواية

بتنادي ع الصبر معايا

أنا قطر الصعيد

سلاّية في القفا من فوق

والشمس بتهرب م الضوء

يا حبيبي يا قليل الذوق

أنا قطر الصعيد

ومراية بتجيب للقَرْعَة

فلاّية مع أكل ومَرْعَى

يا حبيبي يا قليل الصنعة

أنا قطر الصعيد

ما تحسّش قلبك في الصيف

لو أصبح على صدرك ضيف

يا حبيبي يا قليل الكيف

أنا قطر الصعيد

لو أصبح على صدرك هَمّ

على بعضي ما اقدرش اتْلَمّ

وأنا بانقل في بضايع دمّ

أنا قطر الصعيد

على بعضي ما اقدرش أفوت

ولا عيني تزرع لي شطوط

ولا أقطف زُمّارة توت

أنا قطر الصعيد

حسبوني رجعي ويساري

ما خالفش عليَّ الكمساري

بازحف بالسنجة وبالصاري

أنا قطر الصعيد

شتموني وقالوا لي يا لوح

وأنا واخد أبونيه في النوح

يا حبيبي في طلوع الروح

أنا قطر الصعيد

يا حبيبي في نزول الكوبري

من فوق الشارع تنظُر لي

على كتفي شريطين يا حَلوللي

أنا قطر الصعيد

شريطين من صغري وأنا جحش

في السكة اللي ما بترجَّعْش

وحبيبي غطّاني بقشّ

أنا قطر الصعيد

علّمت الناس التوحيش

في السكة اللي ما بتودّيش

موتني قال بسّ أعيش

أنا قطر الصعيد

والرايح رايح مش جايّ

والشمس بتهرب م الضيّ

وحبيبي بيقول لي يا خيّ

أنا قطر الصعيد

والشمس بتهرب م النور

ولساني كان شاهد زور

ودخلت في بطن العصفور

أنا قطر الصعيد

ورقتبي حواية وتعبان

ما عادتشي بتختفي وتبان

والشمس في دمّي الهَرْبان

أنا قطر الصعيد