Doru di voi [Romanian translation]

Iu hits, voi, durutslji a mei,

Bârni, bârni di fumelj?

Car’mutrescu tu nâpoi,

Mi lja dorlu, doru di voi!

Muntili vâ eara frati,

Arpa oilor eara crivati,

Voi adrats di noapti – dzuuâ,

Habirseats shi njedzu shi cuuâ.

Doru shi jali, veclji Armânji!,

Cathi dzuuâ himu ma ptsânj,

Tutu s-amintâ cilimeanj,

Shi tutu ma ptsânj himu dupu anj...

Lishoru grailu nâ kiremu,

Fudzimu di el ca di blâstemu,

Di isnafi n-arshunămu,

Graiu di dada n-alâsămu.

Msheata limbâ u kindisimu,

A ljei zboarâ li alâximu,

Kiremu dhoara di pâpânj,

Doru shi jali, veclji Armânji!

Doru di a voastâ urnimii

S-dânâsimu laia uryii,

S-lomu musheata-va urneki

Sh volea a voastâ ca cileki.