Fear a bhata lyrics

'S tric mi sealltainn o'n chnòc a's àirde

Dh'fheuch am faicinnse fear a bhàta

An tig thu'n diùigh neo'n tig thu màireach

'S mur tig thu idir gur truagh a tà' mi.

[chorus:]Fhir a bhata 'na horo eile

Fhir a bhata 'na horo eile

Fhir a bhata 'na horo eile

Mo shòraidh slàn leat gach àit an teid thu.

Tha mo chridhe-sa briste brùite

'S tric na deóir a ruith o'm shùilean

An tig thu nochd neo'm bi mo dhùil riut

Neo'n dùin mi'n dorus le osna thùrsaich.

Gheall mo leannan dhomh gùn dhe'n t-sìoda

Gheall e siod agus breacan rìomhach

Fainn' òir anns an fàicinn iomhaigh

Ach 's eagal leamsa gun dean e di-chuimhn'.

Bidh mi tuille gu tùrsach deùrach

Mar eala bhàn 's i an déigh a reubadh

Guileag bàis aic' air lochan feurach

Is cach uile an déigh a tréigsinn.