چۆن نه‌ناڵێنم بۆ کوردستان [Çon nenallên im bo Kurdistan] lyrics

چۆن نەناڵێنم لە داخی گەردشی چەرخی زەمان

کوا کرمانج و کەڵهوڕ و کوا دەبدەبەی بابانیان

قوڕ بەسەر خۆم دەربەدەر خۆم بۆ وڵاتی کوردستان

هەر بڵێم چاکە هەتاکو ڕۆژەکەی ئاخر زەمان

ئەی وەتەن با پێکەوە هەڵکەینە سەرگریان و زار

تۆ لە بۆ گەنجانی لادێ و من لە بۆ لاوانی شار

تۆ لە داخی هەڵپەڕین و من لە داخی عود و تار

ئەشکی خوێنین دابڕێژین هەروەکو هەوری بەهار

خەڵکی کورد یاخوا نەمێنم بۆ هەناسەی ساردتان

بۆ خەم و ئاهی دەروون و بۆ دڵەی پڕ دەردتان

بۆ لێوی وشک و بە بار و ڕەنگ و سیمای زەردتان

دوور لە خۆی بێ شوێنە مەجنوون چۆڵە شاخ و هەردتان

کورد یەکێکن فەرقی کوردی باکوور و باشوور نییە

فەرقی کوردی کۆچەری و دێهات و شاری بۆ نییە

فەرقی کوردی دەشتەکی و ناو شاخ و داخی بۆ نییە