Qaniydi [Transliteration]

Tim qora tog‘, kun qora,

Atrofim jimjit, xira.

Go‘yo hayot ataylab

Meni qilar masxara.

Ma’yus qorday yillarim

Asta ko‘mar yo‘llarim.

Sog‘inchlardan chinqirab,

Bemador, zor yuragim.

N a q a r o t:

Seni ko‘rsam qaniydi,

Bir bor ko‘rsam qaniydi!

Hech bo‘lmasa uzoqdan

Ko‘rib o‘tsam qaniydi!

Seni ko‘rsam qaniydi,

Bir bor ko‘rsam qaniydi!

Hech bo‘lmasa chang bo‘lib

Senda qolsam qaniydi!

Yomg‘ir yuvar yoshimni,

Qayg‘u silar boshimni,

Bir umrga so‘ndirdi

Armon baxt quyoshimni.

Ma’yus qorday yillarim

Asta ko‘mar yo‘llarim.

Sog‘inchlardan chinqirab,

Bemador, zor yuragim.

N a q a r o t: ................. (2x)

Yolvoraman xudodan,

Qanot bersa qaniydi,

Sen tomonga qush bo‘lib

Uchib borsam qaniydi,

Seni ko‘rsam qaniydi...