Mutos de amore lyrics

I

Ahi, una durche melodia

Canto a lugore 'e istellas

Cun boghe armoniosa

Una durche melodia

Si ti dimandan, bella

De chie ses isposa,

Nara chi ses sa mia

Canto a lugore 'e istellas

Nara chi ses sa mia

De chie ses isposa

Si ti dimandan, bella

Cun boghe armoniosa

Nara chi ses sa mia

Si ti dimandan, bella

De chie ses isposa

II

Si passan a chiliros

M'ind'apo a comporare

Unu, duos o tres

Si 'che passan a chiliros

Mi nas a inue ses

Ti 'ch'apo a imbiare

Làgrimas e suspiros

M'ind'apo a comporare

Làgrimas e suspiros

Finas a inue ses

Ti 'ch'apo a imbiare

Unu, duos o tres

Ti 'ch'apo a imbiare

Làgrimas e suspiros

Finas a inue ses

III

Ahi, sa méndula est in fiore

Dogni 'olta chi 'enzo

Pro m'inde mandigare

Sa méndula est in fiore

Canto pro m'ispassare

Ca s'amore lu tenzo

No canto pro amore

Pro m'inde mandigare

Ca s'amore lu tenzo

No canto pro amore

Canto pro m'ispassare

Dogni 'olta chi 'enzo

No canto pro amore

Canto pro m'ispassare

Ca s'amore lu tenzo

Ahi, s'amore lu tenzo