'E fugliètte lyrics

Fugliètte russe, lilla, cennerine,

fugliètte luónghe, gruósse, piccerille,

fugliètte duppie e fine.

Essa ‘e gghiéva cercanno add‘e cartare,

pe scégliere ‘e cchiù bèlle e cchiù elegante,

pe scégliere ‘e cchiù rare.

Senza capì ca, si ‘o mumento vène,

basta nu poco ‘e carta e na maloppa

pe dì te vòglio bbène…

E nun sèrve ‘o fugliètto , né ‘o culóre,

né ‘a qualità, né ‘a fórma,

ma ce sèrve sulo nu pòco ‘e còre…!

Tanto te voglio bbene e tanto, tanto,

ca te mannasse 'o core arravugliato

dint' a 'stu foglio c'aggio 'nfuso 'e chianto,

ma tanto è 'o bbene ca te voglio, tanto...!