Ce sta’ ancòra? [Italian translation]

Ce sta’ ancòra nu raggio ‘e luna

che ‘ncurnicia na fenestèlla?...

cu n’arpéggio ‘e chitarra, na bèlla

che s’affaccia pe suspirà?

Ce sta ancòra na ‘nnammurata

che nu còre sincero tène?

che suspira pe chi ‘a vò bbène

e l’aspètta cu n’anzietà?

Ce sta ancòra quacche luciano

che summózza â fèsta d’a ‘nzégna ?

E na banca d’acqua suffrégna

chiéna ‘e frasche che ‘a può pittà?

Ce sta ancòra dint’a stu còre

mo na ‘nticchia d’o sentimènto

che ‘o facéva sunnà e cantà?

Chésti ccòse sóngo fernute,

so’ fernute ‘a cchiù ‘e ciént’anne,

appartèneno â nònna e ô nònno,

nun se pònno manco cuntà…

Ogge sóngo cagnate ‘e tiémpe

e nisciuno ne parla cchiù,

sulo ‘o còre te parla ancòra

‘e sti ccòse d’a giuventù !!