Ahî wie kristenlîche nû der bâbest lachet, swanne
er sînen Walhen seit: "ich hânz alsô gemachet".
daz er dâ seit, des solt er nie mêr hân gedâht!
er gihet: "ich hân zwêne Allamân under eine
krône brâht,daz si daz rîche sulen stœren unde
wasten, ie darunder wüelen in ir kasten. ich hân
si an mînen stok gemennet, ir guot ist allez mîn,
ir tiutschez silber vert in mînen welschen schrîn,
ir pfaffen ezzent hüener und trinkent wîn
unde lânt die tiutschen vasten!"