بۆچیمە خوێن lyrics

كه‌ كۆترێ ده‌بێ به‌ژێر بارانه‌وه‌ و خه‌م ده‌نۆشێ

من لێره‌وه‌ وه‌ك به‌ردی چه‌م ، قه‌وزه‌ دڵم داده‌پۆشێ

گه‌رچی وه‌ك خۆر ، ژێر سه‌رینی ، ئه‌و هه‌ورانه‌ش ده‌كه‌م به‌گوڵ

ڕێگه‌ ناده‌م كه‌س گلێنه‌ی ، دره‌ختێكم پڕكا له‌ گڵ

هه‌تا من بم ده‌بێ سایه‌ی ، ئه‌م دیواره‌ی كه‌ماڵمانه‌

نغرۆ بێ له‌سیحری جوانی ، ئه‌م ئاسمانه‌ی كه‌ماڵمانه‌

وه‌ك ڕیحانه‌ ده‌س ده‌نێمه‌ ، ده‌ستی عه‌تر بۆچیمه‌ خوێن

وه‌كو شیعر ده‌م ده‌نێمه‌ ، ده‌می ئاواز بۆچیمه‌ خوێن

نه‌ زێوان و نه‌ تابووت و ، نه‌ گولله‌ی خۆ كوژم ده‌وێ

وه‌كو شه‌ونم ، تابمێنم ، من هه‌ر ده‌می خونچه‌م ده‌وێ