Caramelle [Venetan translation]

Ciao, me ciamo Marco e go diexe ani

Go i cavei biondi e vago in quarta A.

Fòra che matematica, me piaxe studiar,

Me pare e me mare i ga 'na botega de biavaròl.

Go na sorèa sinque ani più vècia de mi

E un fradèo che'l xe drìo par nasser.

E no vedo l'ora che vegna in pressa magio,

Ché se sarò bon, podarò tegnerlo in brasso.

El me amigo più caro el se ciama Giosuè,

Pénsite che anca in classe el se senta tacà de mi.

Po' finìa ea scuoea voémo come sitóni

e fin che vien scuro tiremo pière in acqua.

Ma gèri pomerigio eo el xe sta poco ben

E eora aea fine so' 'nda da soeo.

E fin che xogavo un strano tissio mai visto

prima el me ga vardà e po' el me xe vegnesto vissìn

E co un'anda strana ma gentìe

El se ga sentà da rente de mi sul moeo

E prima de tór na pièra da tirar

El tipo mai visto ga tacà a dirme:

"Dame ea man, bocia e vien nel bosco,

"No, no son un foresto, mi te conosso

Vegno dal to stesso posto"

Nel me tàxer el ricordo dee robe più bèe

El coeor dee stee, intanto che ti me porti via ea pèe

In cambio de un soriso e do bomboni.

Ciao, me ciamo Marica e go fato quindese ani,

So' xa granda e gò sbaglià tante 'olte.

Primo, méterme co' Luca invesse che co' Dario

Si, forse el xe più bèo, ma'l xe massa autoritario.

E cussì par ripicca son 'ndada fòra cóe amighe,

e dopo una a una semo 'ndae casa

Che do' coioni, casa mia ea xe sempre l'ultima,

aea fine de chea via scura e tenebrosa

E tanto pa' cambiar piove che Dio ea manda

Me go lavà i cavei ancuo, xio can.

Parché da un fià de tempo in qua ea vita ea xe un strassio,

Queo che fasso fasso, ea xe sempre colpa mia.

Par fortuna un tipo me ga dà un pasagio

No eo gò mai visto, ma'l me par a posto

Ea vita no ea xe un sìnema còssa ti vól che sia?

E mentre che penso cussí, d'un bòto el cambia diressión

Dame ea man, bambina e vien nel bosco,

"No, no son un foresto, mi te conosso

Vegno dal to stesso posto"

Nel me tàxer el ricordo dee robe più bèe

El coeor dee stee, intanto che ti me porti via ea pèe

In cambio de un soriso e do bomboni.

Do bomboni.

Te prego, fa’ in pressa queo che ti ga da far,

te prego, fa' in pressa sensa farme mal.

Te giuro, no gavarò gninte da contar,

Ma fa’ in pressa cussì torno a respirar.

Te prego, fa’ in pressa queo che ti ga da far,

te prego, fa' in pressa sensa farme mal.

Te giuro, no gavarò gninte da contar,

Ma fa’ in pressa cussì torno a respirar.

“Dame ea man, bòcia e vien nel bosco,

"No, no son un foresto, mi te conosso

Vegno dal to stesso posto"

Nel me tàxer el ricordo dee robe più bèe

El coeor dee stee, intanto che ti me porti via ea pèe

In cambio de un soriso e do bomboni.

“Dame ea man, bambina e vien nel bosco,

"No, no son un foresto, mi te conosso

Vegno dal to stesso posto"

Nel me tàxer el ricordo dee robe più bèe

El coeor dee stee, intanto che ti me porti via ea pèe

In cambio de un soriso e do bomboni.

Te prego, fa’ in pressa queo che ti ga da far,

Te prego, fa' in pressa, sensa farme mal.

Te giuro, no gavarò gninte da contar,

ma fa’ in pressa cussì torno a respirar.