O Ki Fomi Txiga lyrics

Djan sta kansadu di es vida di miseria

Sem brilhu, tudu dia memu merda

N kre ser atriz moda kel di kel nuvela

Atxa um bom principe moda storia Cinderela

Sta bom di panha agu na xafariz, dja dam fastiu

Mi nem nka mariadu n tem ki atxa um bom titiu

N xintiu n kurtiu, "prazer mi é Sufia"

Katorzinha, es ta txoman di princezinha

Sufia sta oferesi pa kes omi dentu pradu

É fla ma manus li na zona é tudu koitadu

Sufia da pa xiki kre só ropa merkanu

É fla ma ropa China é ka ta bisti nem pagadu

Sufia teni fomi, é kre só vida di luxuria

É sa ta mata fomi di omi ki té fomi di ternura

Ka dura, Sufia dja ngravida na aventura

Ku katorzi dje ser mai e sé mai dja pol na rua

Nós sociedadi teni fomi, tudu bekus teni omi

Ki dja squesi di verdadi e amor ki bem di pai

E ó ki fomi txiga, realidadi ta komplika

Tudu perdi alegria e omis ta kumesa kai

Simentera dja fazedu má txuba ka bem

Rua sta dificil, luta bedju entri mal e bem

Simentera dja fazedu má txuba ka bem

Má kel pom di kada dia é sta frenti tudu alguem

Fomi, omis tem fomi di palavra

Tudu é mas dificil ó ki fomi txiga

Fomi, omis tem fomi di palavra

Bu alma teni fomi é sa mesti kumida

Fomi, omis tem fomi di palavra

Bu mesti alimenta skinas di bu vida

Fomi, omis tem fomi di palavra

Fomi, omis tem fomi di palavra

Patriki txeca ma nós rua ka sta fixi

Manti visigolu pamó putos kre kompiti

Kuatru kasubódi, rapaz sta na xuxadera

Es pensa ma bu kapri e ma bu nansi na ladera

Fim di mes só n recebi nta dau um 6:35

Só bu xinti amiasadu bu tem ki puxa gatilhu

Pes matau, n ta prifiri ba visitau na Son Martinhu

Ka bu xinti medu, vida é si ki sta nha fidju

Patriki asemila palavras di sé pai

Fim di mes ku "gun" na mó ta stilu ma ka ta kai

Patriki forma um grupo ké dá nomi "Lost Boys"

É sa ta da pa merkanu fazi bifis ku otus "boys"

Um dia na tiróteio Patriki lembra di sé sonhu

Ké tem um fidju e dal karinhu, lagua ta sail di odju

Patriki tinha fomi e sé pai ka dal kumida

E onti fasi 4 dia na dilegasia

Nós sociedadi teni fomi, tudu bekus teni omi

Ki dja squesi di verdadi e amor ki bem di pai

E ó ki fomi txiga, realidadi ta komplika

Tudu perdi alegria e omis ta kumesa kai

Simentera dja fazedu má txuba ka bem

Rua sta dificil, luta bedju entri mal e bem

Simentera dja fazedu má txuba ka bem

Má kel pom di kada dia é sta frenti tudu alguem

Fomi, omis tem fomi di palavra

Tudu é mas dificil ó ki fomi txiga

Fomi, omis tem fomi di palavra

Bu alma teni fomi é sa mesti kumida

Fomi, omis tem fomi di palavra

Bu mesti alimenta skinas di bu vida

Fomi, omis tem fomi di palavra

Fomi, omis tem fomi di palavra

Ó ki fomi txiga, realidadi ta complika

Na bika, xefi familias tem ki buska alternativas

Ku fomi na barriga, diabu sta prendi da missa

Santus tudu ta ateiza ku ideia na muda vida

Ó ki fomi txiga, putos tudu ta fadiga

Adrenalina ta domina, es ta labanta karabinas

Ninguem ka kre alimenta alma, supremasia

Korpu dja ganha guerra fria, por issu sa bendedu krika

Ó ki fomi txiga, ka tem policias, bandidus bira

Politikus ku fomi, kanibalismo na skina

Bu sa duvida rebobina tempu Zé Katana

Fomi sentimentu "brother", fomi di palavra

Mundu interu sa movimenta na mó di inikuidadi

Omis teni fomi, es teni fomi di verdadi

Rapaz sem juiz, mininas skravaz di vaidadi

Munti sikatris, markas dexadu pa maldadi

Reflexão ka tem mas, gosi tudu é riba d'ora

Omis ta txora ta grita, homis sta presus na droga

Ses kurason ka té paz, sentimentu na guerra

Omis dja squeci di reza, materialismu ta impera

Sem principius homis ka kre sua

Sem virtudi povu ki sa luta

Sem karater otu sa na skina

Pé spera xefi familia pé tral sé vida

Nós sociedadi teni fomi, tudu bekus teni omi

Ki dja squesi di verdadi e amor ki bem di pai

E ó ki fomi txiga, realidadi ta komplika

Tudu perdi alegria e omis ta kumesa kai

Simentera dja fazedu má txuba ka bem

Rua sta dificil, luta bedju entri mal e bem

Simentera dja fazedu má txuba ka bem

Má kel pom di kada dia é sta frenti tudu alguem

Fomi, omis tem fomi di palavra

Tudu é mas dificil ó ki fomi txiga

Fomi, omis tem fomi di palavra

Bu alma teni fomi é sa mesti kumida

Fomi, omis tem fomi di palavra

Bu mesti alimenta skinas di bu vida

Fomi, omis tem fomi di palavra

Fomi, omis tem fomi di palavra