Chiurma limusinanti [Russian translation]

I vivi 'nta li casi

I morti 'nte tabbuti

E l'acqua 'nte quartari

U vinu l'ogghiu e u pani

Ah, quantu su l'affisi

'Nchiuvati a la miseria

Ca chiamunu a giudiziu

St'allegra mangiatura

L'accusa è la chiu 'nfami

La vuci 'ntrona l'aria

E vivi e puru e morti

Li chiama traritura

Carni smunciuti e afflitti

S'affacciunu a li casi

I manu sdisiccati

Ricoccghiunu muddichi

'Nte casi c'è la luci

La vita è custumata

Sta messi r'abbunnanza

Sa unn'è ca fu arrubbata

L'esercitu ra fami

Chiurma limusinanti

S'affudda a li canceddi

L'armata re pizzenti

La tavula è cunsata

Inchiemuli i bicchieri

Cacciamula sta camula

Ca percia li pinseri

Sta vuci chi ni 'quieta

L'affizziu e lu dirittu

Zzittemula e calamuni

Stu pani binirittu

O funnu ri li voscura

Cacciamu la paura

'Nchiuvamula sta vuci

Ccu Cristu a la so gloria

O funnu ri li voscura

Cacciamu la paura

'Nchiuvamula sta vuci

Ccu Cristu a la so gloria