Gastu mai pensà

Gastu mai pensà

ai fiori quando che i xe tanti

e pieni de coeori, coriandoi su l'erba

e ae nuvoe,

gastu mai pensà?

'Esiere, bianche, rosa o nere

a strisse in mezo al céo

scaini de bombaso,

ghe gastu mai pensà?

E a l'acqua che a tomboeoni

riva suea spiagia, se destira un poco

po' ritorna mar?

Gastu mai pensà

ae stée, fate co' un agheto

su 'n céo tuto de carta

e a tante robe ancora..?

E senti, scusime:

gastu mai pensà

a mi?