Cómm'è bèlla a staggióne

Ah!

Cómm’è bèlla ‘a staggióne…

sènza lampe, sènza tuóne,

sènza viénto, a ccammená…

Ma,

si fa’ caldo â matina,

faje nu bagno a Margellina,

te refrische llá pe’ llá…

Na passíata a mmare,

cu ‘a varca, a Marechiare,

e na zetèlla biónda

a ffianco a tte!

Ah!

Dicimmo ‘a veritá,

ciént’anne ha da campá

chi dice ca ll’está

ce dá ‘a felicitá…

Ah!

Cómm’è bèlla ‘a staggióne!

Ah!

Comm’è bella ‘a staggióne…

quanno faje nu pranzo buóno,

tu te siénte cchiù ‘e nu rre!

Che

puparuóle ‘mbuttite,

tréglie e ciéfare arrustite,

siénte ‘o mare ‘mmócc’a tte…

Nu piérzeco zucuso,

na péra, na cerasa,

e dòppo ‘a limunata

te ll’hê ‘a fá!

Ah!

Dicimmo ‘a veritá…

Ah!

Cómm’è bella ‘a staggióne,

quanno vide a na pappóna,

frésca frésca, a ppassiggiá!

Nèh!

Cómm’a carta velina,

chélla vèsta, fina fina,

nun te fa’ cchiù raggiuná…

E po’ t’a suónne â notte,

t’avuóte dint’o liétto…

e, si nun si’ ‘nzurato,

t’hê ‘a ‘nzurá…

Ah!

Dicimmo ‘a veritá…