'A nnammurata mia [Italian translation]

ʹA ʹnnammurata mia è na campagnòla,

tène na trézza jónna e ll’uócchie chiare,

còre sincèro ca, si ride, pare

n’auciéllo cantatòre ‘int’a caiola…

Nun sape che vo’ dì nu libro… ‘a scòla…

cómm’è fatto ‘o vapóre e cómm’è ‘ mare…

Nun sape ‘a rarità d’e ccòse rare:

nun sape niénte. E chésto me cunzòla.

Nun penza ‘o mmale, nun capisce ‘o mmale,

créde c’a vita è fatta tutta ‘e ròse…

Nun sape manco ch’èsceno ‘e ggiurnale…

J'a vòglio bène a st’ànema ‘nnucente

ca si me guarda dice tanta còse,

e si me parla nun me dice niénte.