A sa Mama 'e Deus [Spanish translation]

Deo custa notte cherzo pregare

A su ‘entu unu cantu cherzo affidare

A Maria, Vérgine Santa

Fiza ‘e Deus e Mama de su Segnore

Tue ch’as ischidu suffrire

Tue ch’as ischidu amare

Tue ch’as donadu sa vida

A Deus Babbu Onnipotente

A s’ànghelu, pitzinna, tue

As apertu sa mente e su coro

E cun amore, tue

Prena de santidade

In sa grutta ‘e Betlemme

As ‘atidu sa lughe

Prega pro nois Mama Santa

Oe totus in coro a tie pregamus

Cun sos ànghelos glória a Deus cantamus

Ca su Re est faladu dae chelu

Pro nois pecadores

Tue ch’as ischidu suffrire

Tue ch’as ischidu amare

Tue ch’as donadu sa vida

A Deus Babbu Onnipotente

In chelu un’istella lughente

Lughiat sos pastores e sos res

Chi ‘atian donos ricos de oro

A su Fizu ‘e Deus, pitzinnu, celeste tesoro

Prega pro nois, Mama Santa

A s’anghelu, pitzinna,

As apertu su coro

E in sa grutta ‘e Betlemme

As ‘atidu sa lughe

Pro nois… pro nois… pro nois