'A chitarra [Italian translation]

‘E sta vècchia chitarra frangése,

sótto â mano me trèmmano ‘e ccòrde,

cómme trèmma stu còre mullése,

ca mo sbatte, Rusina, pe tte!

Te vulésse! ma dint’ ê ddenócchie

io me sènto nu triémmolo fitto:

‘a na parte te magno cu ll’uócchie

e da n’ata… nun saccio che fà!

A sta spalla rutónna e purpósa

tuppetèa, pezzecanno, ‘a chitarra:

tène mènte a sti ffrónne de ròsa,

ca s’affacciano ‘a dint’ ô curzé.

Uócchie dóce, lucènte, ‘e velluto,

uócchie nire, cchiù assaje d’o ggravóne!

Frónne ‘e ròsa, che bèllu barcóne

che v’avite saputo… truvà!