Fammi ballare

Fammi abballari ccu 'sta nota di tammura

Fammi satari, tu, supra sta terra amara

No, nun parrari, sona

Canta e sona

Fammi abballari e poi lassimi arripusari

Zumparè, ventu a livanti

Zumparè, prua a punenti

Setti mari mi firriai, su setti cordi poi m'arrampicai

Zumparè, 'n celu acchianai

Zumparè, 'n ti cci attruvai

Setti stiddi cci arrubbai, ca setti sunnu li biddizzi toi

Fammi abballari, tu, tutta a nuttata sana

Fammi squagghiari, tu, janca fata Murgana

No, nun parrari, sona

Canta e sona

Lassimi mortu e poi fammi risuscitari

Zumparè, ciuri di 'mmernu

Zumparè, l'amuri è 'nfernu

Setti voti ti circai, sittanta lacrimi 'ntra l'occhi mei

Zumparè, ciuri di ficu

Zumparè, l'amuri è focu

Setti foru li marei, setti li varchi d'unni navicai

Zumparè, ventu a livanti

Zumparè, prua a punenti

Setti mari mi firriai, su setti cordi poi m'arrampicai

Zumparè, 'n celu acchianai

Zumparè, 'n ti cci attruvai

Setti stiddi cci arrubbai, pi quantu sunnu li biddizzi toi