'E pazzielle lyrics

'O mare vene e va

E ll'onda se fa caré

Mille pazzielle 'ncoppa a rena

'O mare vene e va

Po' torna pe s'e piglià

Che le dispiace d'e lassà

So 'e ccose ch'e perduto

E chelle che te si scurdato

E stanotte tornano

Fatte a stelle 'e mare

E firmate a guardà

E contale a una a una

Mille pazzielle sott'a luna

Se veneno a pusà

È 'o mare che vò parlà

Cu 'sti pazzielle p' 'e criature

So 'e cose chiù luntane

E chelle che so' chiù vicine

So' 'e cose che nun 'e fatto

A tiempo a dì

So 'e lacreme e 'e resate

So ll'uocchie 'e chi ha chiagnuto

So 'e mmani e chi

Nun l'e dato a mano mai

Ma nun te sbaglià

Cu 'sti pazzielle

Acqua 'e mare, no

Nun vene pe restà

Ma t' 'e ffa vedè

'Na vota sola

Comm' 'e suonne che

'O sole fa sparì

Po' s'e pporta e chi sà addo va

'O mare vene e va

E ll'onda se fa carè

Mille pazzielle 'ncoppa 'a rena

'O mare vene e va

Che nun te vò fa scurdà

E pparole che diciste ajere

So 'e ccose ch'e cercato

E che 'o tiempo nun t'a purtato

So 'e mille sfizi

Che nun te può levà

So 'e suonne ch' 'e sunnato

So 'e notti ch'ea passà scetato

So tutt' 'e juorne

Ch'ancora hanna arrivà

Ma nun te sbaglià

Cu sti pazzielle

Acqua 'e mare, no

Nun vene pe restà

Ma t' 'e ffa verè

'Nna vota sola

Comm' 'e suonne che

'O sole fa sparì

Po' s'e pporta e chi sà addo va