אונטער די חורבֿות פֿון פּױלן [דאָליע] [Unter di khurves fun Poyln [Dolye]] lyrics

אונטער די חורבֿות פֿון פּוילן

אַ קאָפּ מיט בלאָנדע האָר

דער קאָפּ און סייַ דער חורבן

ביידע זייַנען וואָר.

דאָליע מייַנע דאָליע,

דאָליע דאָליע מייַנע...

איבער די חורבֿות פֿון פּוילן

פֿאַלט און פֿאַלט דער שניי,

דער בלאָנדער קאָפּ פֿון מייַן מיידל

טוט מיר מסוכּן וויי.

דער ווייטיק זיצט בייַם שרייַבטיש

און שרייַבט אַ לאַנגן בריוו

די טרער אין זייַנע אויגן

איז אמתדיק און טיף.

דאָליע מייַנע דאָליע,

דאָליע מייַנע דאָליע...

איבער די חורבֿות פֿון פּוילן

פֿלאַטערט אַ פֿויגל אום,

אַ גרויסער שיבֿעה פֿויגל

ער ציטערט מיט די פֿליגל פֿרום.

דער גרויסער שיבֿעה פֿויגל

(מייַן דערשלאָגן געמיט )

ער טראָגט אויף זייַנע פֿליגל

דאָס דאָזיקע טרויער ליד.

דאָליע מייַנע דאָליע,

דאָליע מייַנע דאָליע...