A lingua di i mei lyrics

In core di i mei ci dorme l'allegria,

Puru quandu a vita inciampa i so passi,

Ci dorme tantu amore è tanta puesia,

Ancu s'elli sò zitti o s'elli stanu bassi.

In bocca di i mei ci stanu mille fole

Da cuntammi li tempi di tutte le sumiglie,

Chì tessenu a leia nant'à un filu d'amore,

Mentre a vita corre è strappa ogni briglia.

In manu di i mei hè scritta a spartera,

In lettere sulcate da e cugliere andate,

Hè dettu lu travagliu è po la straziera,

Per fà cresce più belle e so nove biade.

In l'ochji di i mei ci vecu tante frante,

Tanti amori partuti à l'eterne creenze,

Chì tessenu a leia nant'à un filu d'amore

Tuttu ciò chì hè amore è chì pare viulenza.

In casa di i mei ci canta una lingua,

Vechja quant'è a terra induve elli sò nati,

È vulia d'amore scrive 'sse duie rime,

Dilli quant'è sò fieru d'avelli à lu mio latu.