ئاواته‌ مه‌خمه‌ڵیه‌كان [Awate Mexmeliyekan] lyrics

بریا سه‌وزه‌ گیای به‌هار بوام

ئێواران پێش رۆژئاوا

ئه‌و كچه‌ جوانه‌ به‌رخه‌وانه‌

له‌سه‌رم راكشابوا

بریا من سروه‌ی به‌یان بوام

لێوی تۆم فێنك ده‌كرد

بریا من هه‌وای ئاسمان بوام

خۆم به‌ناو ده‌متا ده‌كرد

بریا من ئاوی رووبار بوام

ده‌مشت له‌شولاری تۆ

بریا من سوخمه‌ و شه‌ڵوار بوام

ده‌ممژت جێی هه‌ستیاری تۆ

بریا من ئاوێنه‌ بوام خۆت

ده‌گۆڕی له‌به‌ر چاوما

جه‌سته‌ی جوانت هه‌ڵده‌گیرا

له‌ناو هه‌ست و هه‌ناوما

بریا من په‌ڕه‌سێلكه‌ بوام

له‌ بنمیچی ماڵی تۆ

هێلانه‌ی خۆم داده‌به‌ستا

چاو له‌ دانه‌ی خاڵی تۆ

شه‌و و رۆژ ته‌وافم ده‌بوو

به‌ ده‌وری به‌ژن و باڵات

ساڵانه‌ دوو حه‌جم ده‌بوو

له‌ ماڵی خوا و ماڵی تۆ

بۆچ ئه‌م خه‌ونه‌ مه‌خمه‌ڵییانه‌م

بۆ لێم نابن به‌ راستی

تا ئه‌و مه‌مك و سمت و رانه‌م

بوگشیبایه‌ به‌ ده‌ستی

بۆچ ژیان هێنده‌ به‌ غه‌مه‌

بۆچی یه‌ك خۆشیم نه‌دی

خۆ هیوای من ساده‌ و كه‌مه‌

ده‌با جارێك بێته‌ دی