Di Ser Çavên Me Re Hatî lyrics

Tu hatî navşêrîn a min

Evîn û xemrevîna min

Were xweşke birîna min

Bi xemla xwe tu wek Zîn î

Şepal û şeng û şêrîn î

Ji dozê ra tu durbîn î

Bi dildara xwe pir rind î

Bi rûheyv û şekerxendî

Di vê rê da hunermend î

Ji min can û ceger kuştin

Dil û mêlak hemî mijtin

Tijî tîr û ber û xistin

Bese ev jîna berbatî

Bese ey dilber û gawir

Nebarîne li min awir

Te can û dil kirin agir

Xerab hatin vê meyxanê

Me mey da Ehmedê Xanê

Cizirê te kirî fincanê

Hezar û sed evîndar in

Di vê rê da birîndar in

Bi qêrîn û bi hawar in

Cegerxwîn bes bike forta

Te dil da ber şûv û rota

Tu pîr î lê wekî xorta

Bi xwe kohê Ereratê

Helbest: Cegerxwîn

Muzîk: Xelîl Xemgîn