S.Janaki - କାନ୍ତ ବିନା ଦିବା ରଜନୀ ସଜନୀ [Kanta Bina Diba Rajani Sajani]

କାନ୍ତ ବିନା ଦିବା ରଜନୀ ସଜନୀ

କୋଟି ଯୁଗସମ ହେଲାଟି ରେ ।ପଦ।

କାହିଁ ସେ ରହିଲେ କିମ୍ପାଇଁ ନଇଁଲେ

ତେଣୁକରି କାମ ଅନଳେ ଦହିଲେ ।

କିବା କେଉଁ ନାରୀ କି ମନ୍ତ୍ରେ ମୋହିଲେ

ସେ ଦେଶେ ମଦନ ମଲାଟି ରେ ।୧।

ଭାରି ହେଲା ଆସି ଅଙ୍ଗକୁ ବସନ

ତଥିପରେ ଆଭରଣ ଏ ଭୂଷଣ

ଦେଖ ଦେଖ ସଖି ଏ ଝଞ୍ଜା ପବନ

କାମବାଣେ ପ୍ରାଣ ନେଲାଟି ରେ ।୨।

ଯେବେ ଥାନ୍ତେ କାନ୍ତ ବସନ୍ତ କାଳରେ

ଘେନି ବଞ୍ଚୁଥାନ୍ତି ଦିବା ଯାମିନୀରେ ।

କେତେ କେତେ ପ୍ରୀତି ମାନ କରୁଥାନ୍ତି

କେତେ ସୁଖ ତୁଟି ଗଲାଟି ରେ ।୩।

ତା ଲାଗି ଏ ଜୀବ ନାଶକୁ ଲଭିବ

ହତ୍ୟା ଦୋଷରେ କି କାରଣୀ ହୋଇବ ।

କୁସୁମ ଭୂଷଣ ହେଲା ଅକାରଣ

ଭଣେ ଉପଇନ୍ଦ୍ର ଭଞ୍ଜଟି ରେ ।୪।