'O saputo. lyrics

Io cumpatisco sèmpe a na perzóna,

ca quanno fa na critica è tagliènte,

o rèsta friddo e fa l'indifferènte

pe fà vedé ca niénte 'o 'mpressiòna.

Comme pò di' ca 'a cosa 'e n'ato è bbona,

chi spisso stenta 'a vita amaramente?

Sta 'ntussecato, finge nnanze a' gente,

ma, appena 'o danno corda, se "sbottona".

E allora se capisce ca scantona,

e caccia 'a fore tutt''o mmalamente;

e fa 'o saputo, 'o dotto, 'o competente,

ca te 'mbriaca 'e chiacchiere, te stona;

e quanno a ddi' 'mpruperie s'abbandona,

te dice 'o fatto suio, comme s''o sente.

Ma, si ce sta 'a vanta', sinceramente,

è l'unica campana ca nun sona.

Si sape ca tu si', nun se n'addona,

e si nun si', t'accide maggiormente.

Intanto, tutt''o juorno, nun fa niente

e, si fatiche tu, nun t'a perdona.