'O primm'ammore lyrics

S'io fusse stato, ammore, 'o primmo nnammurato tuje

Nun me tuccasse i nierve chillo tiempo senz'e nuje

Ch'aggia sunna' cumm'ere quanno nun pienzav'a mme:

'Na dia 'e guagliona che runzava 'munno attuorn'a tte

Ch'aggia sunna' quando tenive sule sirici anni

E s'abbruciava ll'aria 'e mare ca te steva attuorno...

T'aggia rrubba' nu vase doce, doce comme 'a luna

Aggia a pruva' ch'e mmane, che r'è 'o fatto d'a suttana:

T'avesse a sbattere int'o scuro a 'o cinema Eccelsior

Cu sti capille ca profumano 'e Christian Dior

T'aggia vede' 'nt'all'uocchie, bella comme a chella llà

Pecché vurria sape' si mo' tu si' chiù bbella assaje

E tutt'o juorno pienz'a te comme a chell'ata

Pienz'a te si fusse stata, comme fusse stata tu

'O primm'ammore, 'o primm'ammore

Ca te fotte sempe e nun t'o lieve d'o core

'O primm'ammore, 'o primm'ammore

Te fotte sempe, ma 'o primm' è sempe 'o migliore

S'i' fusse stato, ammore, 'o primmo 'nnammurato tuje

Nun me truvasse mo' a sunna' 'stu tiempo e tut'e doje

Addo' putesse chiagnere pe' te dint'a 'na sera

'N'appiccicata 'e niente, 'ntussecato 'a 'sta manera

E 'o juorno roppo fora 'a scola, cu 'o cappiello 'nmano

I' me facesse perduna' parlanno chiano, chiano

E mo' me vire: pienz' a tte comm' a chell'ata

Pienz'a te si fusse stata, comme fusse stata tu

'O primm'ammore, 'o primm'ammore

Ca te fotte sempe e nun t'o lieve d'o core

'O primm'ammore, 'o primm'ammore

Te fotte sempe, ma 'o primm' è sempe 'o migliore

Ammore, songo sempe 'nnammurata comme 'na guagliona

Ma 'o tiempo perzo quanno nun ce stive nun m'o dà nisciuno:

I' te vurria vere' cumm'ere pe' ssenti' stu core

Che sbatte forte comme l'onna scura dint''o mare

E tutt' 'o juorno pienz'a te comme a chell'ata

Pienz'a te pecché si stata, pienz'a tte pecché si tu

'O primm'ammore, 'o primm'ammore

Ca te fotte sempe e nun t'o lieve d'o core

'O primm'ammore, 'o primm'ammore

Te fotte sempe, ma 'o primm' è sempe 'o migliore