'O mal'uócchio. lyrics

— Don Piétro mio, tenite na muglièra,

’o Signóre v’a guarda pe ciént’ anne !

Pare na schiusa ’e ròse a primmavèra !

’A salute le scappa ’a fùr’ê panne !

Tòsta, ncerata, cómme manco ’a céra !

Addu vui nun ce tòzzano, ’e malanne ?

Crésce â matina e scumparisce â sera

na cuntentézza lònga ’e ciénto canne !

Ah ! Benedico ! Manco nu catarro !

Sulamènt’io sóngo nu cippo ’e guaie!...

— Sapite ’o mutto, ’on Ci’ ? « Vino c'o carro!»

— Che carro e carro ! Ccà cuntammo ll’óre!

—(All’ ossa rotte ’e chi te vattiaie !

Aglie e fravaglie ! Chisto è ghiettatóre !...)